بەرانبەر بە |

لاوێکی تازه‌پێگه‌یشتوو له‌ به‌نداوی "گاوشان"دا خنکا

s_280_160_16777215_10_images_11898777_1657260271163281_2079429623600593195_n.jpgرۆژهەڵات تایمز: په‌یامنێرمان له‌ شاری کامیارانه‌وه‌ به‌ "رۆژهه‌ڵات تایمزی" راگه‌یاند که‌ رۆژی هه‌ینی 24ی گه‌لاوێژی 1394ی هه‌تاوی، کاتژمێر 3ی پاشنیوه‌ڕۆ، لاوێکی ته‌مه‌ن 18 ساڵان به‌ ناوی "سه‌ججاد فه‌ره‌جی"، له‌دایکبووی کامیاران و دانیشتووی شاری کرماشان کە بۆ سەیران و مەلەکردن لەگەڵ چەند هاوڕێیه‌کیدا چووبوونه‌ به‌نداوی "گاوشان"، لە کاتی مەلەکردندا تووشی کێشه‌ی هه‌ناسه‌دان ده‌بێت و ده‌خنکێت.

هه‌ر ئه‌و سه‌رچاوه‌یه‌ ئاماژه‌ی به‌وده‌شدا که‌ دوای یه‌ک کاتژمێر، ته‌رمی ناوبراو له‌ شوێنی رووداوه‌که‌ ده‌دۆزرێته‌وه‌.
به‌نداوی "گاوشان" یەکێک له‌ به‌نداوه‌ گەورەکانی رۆژهەڵاتی کوردستانە و له‌ شاره‌کانی نێوان کامیاران - سنە هه‌ڵکه‌وتووه‌ و وه‌ک شوێنێکی گه‌شتیاری، ساڵانه‌ خه‌ڵکێکی زۆر له‌ شاره‌ غه‌یره‌کوردییه‌کانی ئێرانه‌وه‌ سه‌ردانی ئه‌و ناوچه‌یه‌ ده‌که‌ن.
شایانی باسه‌، ئه‌مساڵ ئه‌وه‌ سێیه‌مین حاڵه‌تی خنکانه‌ که‌ له‌ به‌نداوی "گاوشان"دا روو ده‌دات.