بەرانبەر بە |

دوو ئه‌ندامی شوڕای شاری مهاباد ده‌ستیان له‌کار کێشایه‌وه‌

s_280_160_16777215_10_images_4531.jpgرۆژهه‌ڵات تایمز: ئه‌مڕۆ دووشه‌ممه‌، 9ی خه‌رمانانی 1394ی هه‌تاوی، به‌ هۆی کێشه‌ و گرفته‌ نێوخۆییه‌کانیان، دوو ئه‌ندامی شوڕای شاری مهاباد ده‌ستیان له‌کار کێشایه‌وه‌.

ماڵپه‌ڕی "روانگه‌" له‌ هه‌واڵێکدا بڵاوی کردووه‌ته‌وه‌ که‌ به‌ هۆی کێشه‌ و گرفته‌ ناوخۆییه‌کانیان، سه‌ید ره‌سووڵ نه‌به‌وی ئه‌ندامی شوڕای شار و دکتور کامران عه‌لیزاده‌ به‌رپرسی کۆمیسیۆنی ئاوه‌دانی و جوانکارییه‌کانی شاری مهاباد ده‌ستیان له‌ ئه‌ندامه‌تی شوڕای شار کێشاوه‌ته‌وه‌.
به‌ پێی زانیارییه‌کان، هۆکاری سه‌ره‌کی ئه‌و ده‌ستله‌کارکێشانه‌وانه‌، بۆ ده‌ستێوه‌ردانی راسته‌وخۆی ده‌زگاکانی سه‌ر به‌ کۆماری ئیسلامی له‌ کاروباری شوڕای شار و بۆ دابه‌شکردنی پۆسته‌کانی ئه‌ندامانی شووڕا ده‌گه‌ڕێته‌وه‌.
شایانی باسه‌ چه‌ند رۆژ له‌مه‌وبه‌ریش ئه‌ندامانی گوندی "شیناوێ"ی پیرانشاریش وه‌ک ناڕه‌زاییده‌ربڕینێک له‌ هه‌مبه‌ر سیاسه‌ته‌کانی کۆماری ئیسلامی و که‌مته‌رخه‌مییه‌کانی ده‌زگاکانی په‌یوه‌ندیدار به‌ ناوچه‌که‌وه‌، به‌تێکڕا ده‌ستیان له‌ کار کێشایه‌وه‌.