بەرانبەر بە |

له‌ شاری شنۆ پێنج که‌س بوونه‌ قوربانی

s_280_160_16777215_10_images_5095Image1.jpgرۆژهه‌ڵات تایمز: پاشنیوه‌ڕۆی ئه‌مڕۆ سێشه‌ممه‌ 10ی خه‌رمانانی 1394ی هه‌تاوی، له‌ گه‌ڕه‌کی "ره‌حیم ئاوا"ی شاری شنۆ، به‌ هۆی کێشه‌یه‌کی کۆمه‌ڵایه‌تی، دوو که‌س کوژران و سێ که‌سی دیکه‌ش بریندار بوون.

زاوای پێشووی بنه‌ماڵه‌یه‌ک به‌ ده‌مانچه‌ هێرش ده‌کاته‌ سه‌ر ماڵی خه‌زووری و کۆنه‌ ژنه‌که‌ی خۆی ده‌کوژێ و منداڵه‌ی چوارساڵانه‌که‌ی و خه‌سوو و ژن خوشکی بریندار ده‌کات و له‌ کۆتاییدا خۆیشی ده‌کوژێ!
زانیارییه‌کان باس له‌وه‌ ده‌که‌ن که‌ ماوه‌یه‌ک پێش ئێستا، به‌ هۆی کێشه‌ی خێزانییه‌وه‌ ئه‌م ژن و مێرده‌ لێک جیا بوونه‌ته‌وه‌ و ژنه‌که‌ به‌ خۆی و به‌ منداڵه‌ چوار ساڵانه‌که‌یه‌وه‌ چووه‌ته‌وه‌ ماڵی باوانی. ئه‌مڕۆ سێشه‌ممه‌ باوکی منداڵه‌که‌ چووه‌ته‌ ماڵی خه‌زووری بۆ وه‌رگرتنه‌وه‌ی کوڕه‌ چوار ساڵانه‌که‌ی، به‌ڵام به‌ هۆی ده‌مه‌قاڵێ و کێشه‌ و هه‌را که‌ له‌سه‌ر منداڵه‌که‌ له‌ نێوان ئه‌و کۆنه‌ ژن و مێرده‌دا هاتووه‌ته‌ ئاراوه‌، باوکی منداڵه‌که‌ هه‌ڵده‌کێشێته‌ ده‌مانچه‌ و ته‌قه‌ ده‌کات و کۆنه‌ ژنه‌که‌ی خۆی ده‌کوژێ و منداڵه‌ چوار ساڵانه‌که‌ی و ژن خوشک و خه‌سووی بریندار ده‌کات و پاشان خۆیشی ده‌کوژێ. زانیارییه‌کان باس له‌وه‌ ده‌که‌ن که‌ بارودۆخی دوو له‌ برینداره‌کان مه‌ترسیداره‌ و بۆ چاره‌سه‌ری به‌په‌له‌ ره‌وانه‌ی نه‌خۆشخانه‌ی ورمێ کراون.