بەرانبەر بە |

تەنزێکی خۆماڵی- ئامۆزا کەر و پورزا ڕێوی!

رۆژهه‌ڵات تایمز: قیله‌وقانج:s_280_160_16777215_10_images_qanju_qile.jpg
پورزا ڕێوی: ها... ئامۆزا کەر! بۆ کوێ وا بەپەلە؟


ئامۆزا کەر: وەڵڵا لێت ناشارمەوە ئەوە دەچم بۆ پێشانگای ترومبێل
- لەوێندەر جۆی دابەش دەکەن؟!
+پورزا، جۆی چی؟ دەچم ترۆمبیلێک دەکڕم!
-دەک ممبارەک نەبێ ئه‌رێوه‌ڵڵا!
+زۆریش ممبارەکە، ئەی پورزا ڕێوی ئەو دۆسیەیە چییە لە بن هەنگڵانت گرتووە؟
-وەڵڵا منیش لێت ناشارمەوە، ئەوە دەچم بۆ وەزارەتی مریشک و هێلکە...
+کۆبۆنی مریشک درا بە ڕێوییەکانیش؟!
-کۆبۆنی چی؟ نەوەڵڵا دەڕۆم لەوێندەر مۆڵەتێک بۆ کێڵگە پەلەوەرییەکەم وەربگرم!
+دەک ممبارەک نەبێ ئیشەڵڵا، ئەوە لە کەنگێوە ڕێوی بووه‌تە مریشکەوان؟!
-لەو کاتەوە کەر بووه‌تە شۆفێر!
+پورزا ڕێوی، ئەوە توانجم تێدەگری؟
-توانجی چی ئامۆزا؟ لەوەتی تۆ بوویە شۆفێر، نابینی شارەوانییەکان پشتیان شکاوە ئەوەندەی تاسە و کەرگێڕەوە لەسەر دووساید و یەک ساید و کۆڵانەکان دابنێن!
+ئاهاااااا، ئەی بۆ ناڵێی لەوەتا ڕێوی بووه‌تە بە خاوەن کێڵگەی پەلەوەری، وەزارەتی بازەرگانیی حکومەتی هەرێم قوونی دڕاوە ئەوەندە مریشک و هێلکە لە دەرەوە هاوردە بکا!