بەرابەر بە |

بنەماڵەی قوربانییانی رووداوەکەی "گوندەژۆر"ی باڵەکایەتی روونکردنەوەیەکی بەپەلەیان بڵاو کردەوە

s_580_300_16777215_10_images_farsi_21101047_10207708028538456_1486065198_n.jpg
رۆژهەڵات تایمز: ئێوارەی رۆژی رابردوو ٣ی خەرمانان، لە گوندەژۆی ناوچەی باڵەکایەتی لە رووداوێکی دڵتەزێندا و بەهۆی تەقەی پێشمەرگەکانی کۆمەڵەی زەحمەتکێشانی کوردستانی ئێران دوو هاووڵاتی بە ناوەکانی فەرمان ئەسکەندەر و لوقمان ئەسکەندەر گیانیان لەدەست دا و دوو برای دیکەشیان بریندار کران و ئەو رووداوەش کاردانەوەی دانیشتووانی ئەو دەڤەرەی لێ کەوتەوە و لە هێرشێکی هاووڵاتیاندا بنکەی چوار حیزبی رۆژهەڵاتی کوردستان لە بناری هەڵگورد سووتێندران.
لەو پەیوەندییەدا بنەماڵەی قوربانییانی ئەو رووداوە ئەمڕۆ شەممە ٤ی خەرمانان روونکردنەوەیەکیان بڵاو کردەوە کە وێنەیەکی تایبەت بۆ رۆژهەڵات تایمز ناردراوە.
دەقی رونكردنەوەكە...
بە ناوی خودای گەورە و میهرەبان
 خەلكی شۆرشگیری باڵەكایەتی و جەماوەری كوردستان و لایەنە سیاسیە خەباتكارەكان.
‎دوای روداوی ٢٥/٨/٢٠١٧ی گوندەژۆر كە هەواڵی دڵ تەزینی گیان بەخت كردنی دو برا بە ناوەكانی لوقمان ئەسكەندەر و فەرمان ئەسكەندەر و بریندار بونی دو برای تریان كە بە زولم و غەدری ئاشكرا و لە ئەنجامی دەرس نەدانی چەك بە دەستان بوە بڵاوبوە.
 
‎لێرەدا وێرای سەرەخۆشیمان بۆ هاوخەمانمان سوپاسی مەوقیفی عەشایری ناوچە دەكەین و داوای دان بەخۆدا گرتن لە هەمو لایەك دەكەین و، داواكارین كەلتوری تەر و وشك پێكەوە سوتاندن نەهێنینە جێی كەلتوری جوانی پێكەوە ژیان و میوان دۆستی مێژوویی باڵەكایەتی.
 
ئیمە وەك خەڵكی خەباتكاری باڵەكایەتی هەمو تێكوشانمان بۆ بەدەست هێنانی دەوڵەتی یاسا بوە و دەبی بەو فەرهەنگەشەوە بەرەو بونیاتنانی دەوڵەتی یاسایی و سەربەخۆیی برۆین و، پێویستە رێز لە هەمو لایەنە سیاسیە خەباتگێرەكان بنێین و هەلەی چەند كەسێك نەكەینە پێوەری خەباتی دورو درێژی لایەنەكانە سیاسیەكانی كوردستان.
 
داواكارین لە هەمو لایەنە سیاسیەكان هاوكاری حكومەتی هەرێمی كوردستان بكەن بۆ ئەوەی یاسا دەسەڵاتی خۆی بەكار بێنێ.
‎كریم خان گوندەژوری، خدر عمر ئاغا
‎لە جیاتی
‎بنەمالەی قوربانیانی روداوی گوندەژۆر