بەرابەر بە |

بۆ پشتیوانی لە باشوور، رۆژهەڵات خرۆشا

s_580_300_16777215_10_images_farsi_22046545_10211064932598929_1349615556514426711_n.jpg
رۆژهەڵات تایمز: بۆ دەربڕینی شادی و پشتگیری لە سەرکەوتنی ریفراندۆکی باشووری کوردستان، لە زۆربەی شار و شارۆچکەکانی رۆژهەڵاتی کوردستان ئاهەنگی شاد بەڕێوە چوو و کوردستانیان بە دروشمی "پیرۆز بێ سەربەخۆیی" و "پیرۆزە پیرۆزە" و گوتنەوەی سروودی "ئەی رەقیب" رژانە سەر شەقامەکان و هەستی نەتەوەیی خۆیان دەربڕی.
ئەمڕۆ دووشەممە 25ی سێبتامبەری 2017، سەرەڕای کەشێکی تەواو ئەمنییەتی، لە شارەکانی سنە، سەقز، بانە، مهاباد، سەردەشت، قوروە و بیجار و....  بە هەزاران کەس لە کوردانی رۆژهەڵات رژانە سەر شەقامەکان و بە دروشمی ئەی رەقیب و پیرۆز بێ سەربەخۆیی و چەندین دروشم و سروودی شۆڕشگێڕی دیکە و هەڵکردنی ئاڵای کوردستان و بڵاوکردنەوەی شیرینی، شادی و خۆشحاڵی و پشتگیری خۆیان بۆ سەربەخۆیی و سەرکەوتنی ریفراندۆم لە باشووری کوردستان دەربڕی. دەگوترێ کە هێزە ئەمنییەتییەکان لە شاری مهاباد تەقەیان لە هاووڵاتیان کردووە و هەروەها چەندین کەس لە شار و شارۆچکەکان لە لایان هێزەکانی کۆماری ئیسلامی ئێرانەوە دەستبەسەر کراون.
s_580_300_16777215_10_images_farsi_21432894_10207655636708147_7964118346793755802_n.jpgs_580_300_16777215_10_images_farsi_21432818_10210947757909635_7996380282949058495_n.jpg