بەرابەر بە |

چالاکانی مەدەنیی رۆژهەڵاتی کوردستان راگەیەندراوێکی دیکەیان بڵاو کردەوە

s_580_300_16777215_10_images_farsi_22014890_1416168945156980_368084615_n.jpg

رۆژهەڵات تایمز: چالاکانی مەدەنیی رۆژهەڵاتی کوردستان، راگەیەندراوێکیان بڵاو کردەوە و لەو راگەیەندراوەدا سوپاسی سەرجەم  ئەو خەڵکە نیشتیمانپەروەرانەیان کردووە کە بەپیل بانگەوازەکانی چەند رۆژ لەمەوبەرە هاتن و  لە رۆژهەڵاتی کوردستان کردیان بە جێژی ئاڵا و جارێکی دیکە پشتگیری خۆیان بە شایی و ئاهەنگێڕان و گوتنەوەی سروودی شۆڕشگێڕی و دروشمی شۆڕشگێڕی بۆ باشووری کوردستان دەربڕی.
دەقی راگەیەندراوەکە: 
راگەیەندراوی شماره چوار/4 سپاسنامە
خۆشەویستان،خوشکان و برایانی ئازیزمان لە کۆمەڵگای رۆژهەڵاتی کوردستان: سەرتا هێندی گەورەیی جێژنی گشتپرسی سەربەخۆیی باشووری کوردستان کە لە شارەکانی رۆژهەڵات بە پێی ڕاگەیەندراوەکانی ژمارە 1،2 و 3ی چالاکانی مەدەنی رۆژهەڵات گیرا،پیرۆز بایی خۆمان لە کۆمەڵگای مەدەنی کورد و لە هەموو چین و توێژە جیا جیاکانی ناو کۆمەڵگاکەمان دەکەین لە رۆژهەڵاتەکەمان خۆشەویستان لە لایەن چالاکانی مەدەنی رۆژهەڵاتەوە پڕ بەدڵ سپاسی ئێوەی خۆشەویست دەکەین کە بەرەو پیلی ڕاگەیەندراوەکانی چالاکانی مەدەنیەوە هاتن کە لە ۳ ڕاگەیەندراو‌دا داوامان لە ئێوە کردبوو جێژنی گشتپرسی سەربەخۆیی باشووری کوردستان بە پێی پابەند بوون بە ڕەسەنایەتی مەدەنیەت بوون لە هەموو شارەکانی رۆژهەڵات جێژن بگرین. بەرەو پیل هاتنی ئێوە لەو ڕاگەیەندراوانەمان ئێمەی پشت گرم و ئێمەی سوورتر کرد لەمەڕ چالاکیەکانمان و دەنگی خۆشی ئێوەش لەتەک راگەیەندراوی ژمارە 1،2و3ی چالاکانی مەدەنی رۆژهەڵات بۆ گرتنی جێژنی گشتپرسی سەربەخۆیی باشووری کوردستان، لە هەموو شارەکانی رۆژەڵاتی کوردستان بە فەخرەوە چووە نێو لاپەڕەکانی مێژووە. به پێ ئه‌م به‌یاننامه جارێکی دیکه سپاس و پێزانینی خۆمان ئاراسته‌ی ڕۆڵه قاره‌مانه‌کانی رۆژهەڵاتی کوردستان ده‌که‌ین و هیوای سه‌رکه‌وتنتان بۆ ده‌خوازین و هه‌وه‌ها چاوه‌ڕوانی هاوکاری هه‌میشه‌یتانین. چالاکانی مەدەنی رۆژهەڵاتی کوردستان چالاکوانانی مه‌ده‌نی ژنان له ڕۆژهه‌ڵاتی کوردستان یەکەم سێشەممەی دوای ریفراندۆم 1396/7/4 هه‌تاوی