رۆژهەڵات تایمز: رۆژی چوارشەممە ٢٢ی خەرمانانی ١٣٩٦ی هەتاوی، یەكەم فێستیڤاڵی :ترێی رەش” لە گوندی “گۆمان”ی سەر بەشاری سەردەشت بەڕێوەچوو. لەو فێستیڤاڵەدا بەشداربووان ترێی رەش و بەرھەمەكانی دروستكراو لە ترێی رەشیان نمایش كرد. لە سەردەشت نزیكەی 4 ھەزار ھێكتار رەزی ترێی رەش ھەیە كە ساڵانە زیاتر لە 100 ھەزار تۆن ترێی رەشی جۆراوجۆر بەرھەم دەھێنێت.
لە رێوڕەسمی كردنەوەی ئەو فێستیڤاڵەدا “سەفین بەریاجی” نوێنەری رێكخراوە سینفییەكانی سەردەشت رایگەیاندووە كە حكومەتە یەك لەدوای یەكەكانی ئێران بەڵێنەكانیان بە خەڵك و جوتیارانی سەردەشت لەبیر دەكەن. بە رای ناوبراو، ھیچ زەمینەیەك بۆ بە بازاڕكردنی ئەو ترێیە نەڕەخساوە و لەو بەھەشتەدا خەڵك لە بێكاری خەریكی كۆڵبەرین.
ھاوكات ھەر لە رێورەسمی كردنەوەی فێستیڤاڵی ترێی رەشی سەردەشت “د. دەوڵەتی” ناوێك وەكوو توێژەر لە ناوەندی توێژینەوەی كشتوكاڵی ئێران داوای لە جوتیاران كردووە كە بەرھەمەكانیان رادەستی حكومەت نەكەن، چونكە حكومەت بەرھەمە نایابەكەیان لێ سووك دەكاتو كیلۆی بە 500 تمەن لێیان وەردەگرێتەوە،كە ئەو توێژەرە پێی ناپاكی و خیانەتە. دەوڵەتی لە جوتیارانی سەردەشت كردووە كە خۆیان كارگەیەكی گەورە دروست بكەن و لە دەرەوەی حكومەت بەرھەمەكانی ترێی رەش ھەناردەی دەرەوە بكەن.
وێنەکان تایبەت بە “رۆژهەڵات تایمز”ن:
© 2019 ڕۆژهەڵات تایمز - هەموو مافەکانی ماڵپەڕ پارێزراون و کۆپی کردن و بڵاوکردنەوەی بابەت بەبێ ڕەزامەندی ڕۆژهەڵات تایمز ڕێگەپێنەدراوە.
بە کۆمێنتێک بەشداری بکە